تمسك بالقطة "كارمن " تلاعبها ، تخربشها ، فتأتى الى باكية
- ماما ماما ، كارمن خربشتنى
فاربت عليها ، واخبرها
- اننى سأمشى كارمن من البيت
فتبكى اكثر وهى تقول ،
- لا يا ماما ، هى متقصدش
تنزل لتلعب بالشارع مع اولاد الجيران ، تأتى الى باكية ،
- ماما ، العيال مش عايزين يلاعبونى معاهم
- خلاص يا نهى متنزليش تلعبى معاهم
فتخبرنى وهى تتشحتف بصوت عالى
- لا يا ماما هما ميقصدوش
تطلب منى طلبات غريبة وغير مفهومة وأعدها بتنفيذها ، واذا تأخرت ،
- تطالبنى بالحاح وبكاء ، اقولها حاضر
- يا نهى معلش اصبرى على
-لا انت قاصدة متنفذيش ، ااااااااااااااااااااااااااااااا ، ااااااااااااااااااااا ، ااااااااااااااااااا ؟!!
